Última foliada do curso!

Trabalingua despide as actividades deste curso 2016/2017 coa última foliada.

Ata despois do verán!

Foliada de maio

Despois dun pequeno parón volven as foliadas de Trabalingua. Desta volta con algúns cambios, ESN deslígase da súa organización e o local pasa a ser a Tetería Rosalinda.

Agardámosvos!

Micros abertos de abril

Chega o último xoves do mes e con el chegan tamén os micros abertos de Trabalingua no Café de Catro a Catro.

Achégate ata o Catro e comparte con nós as túas inquedanzas, o que fas, as túas reflexións, a túa arte. Fagas o que fagas, poesía, relato curto, teatro, danza, música, rap, maxia, ensaio… e fágalo no idioma no que o fagas, ti e o que decidas traernos sodes máis que benvidos.

E se prefires ser espectador vente tamén e pasa unha noite dunha maneira diferente.

Xenerais do Ulla nos próximos micros abertos

Mañá terá lugar un acontecemento único en Vigo. Os Xenerais da Ulla da parroquia de San Vicenzo de Bama (Touro) cruzarán o río Ulla e levarán consigo unha mostra do noso Entroido tradicional rural á cidade de Vigo.

Tomas Duro Valiño, David Suarez e máis Anxo Tato (membro de Trabalingua) farán un alto ou atranco, un tipo concreto de regueifa, para abrir os micros abertos. Despois, coma sempre, o escenario e o micro estará agardando por quen queira compartir algo connosco: poesía, música, maxia, danza, rap, teatro, reflexións… Non quedes calado, o último xoves de cada mes tes a oportunidade de falar e de que te escoiten!

Será mañá, xoves 23 de febreiro, no Café de Catro a Catro ás 20.00 nos Micros abertos mensuais que organizamos dende hai tempo a Asociación Trabalingua.

Queremos agradecer á Área de Normalización Lingüística da UVigo o seu apoio nesta actividade por facer que estes mozos xenerais non teñan que pagar do seu peto o desprazamento ata Vigo.

Veña, deixade o Celta e vinde ver algo diferente e único!

Foliada

A semana que vén volven as foliadas de Trabalingua e ESN. Aprende a bailar xota e muiñeira coa nosa compañaeira Marina nun obradoiro gratuíto dunha hora (previa inscrición en asociaciontrabalingua@gmail.com). E despois foliada! Trae o teu instrumento, a túa gorxa e ven facer música para que outros gocen e bailen. Todo isto no Café de Mario o venres 4 de novembro a partir das 21.30.Foliada Vigo ESN Trabalingua

Volven os micros abertos!

cartel_micros_abertos

III Quintal literario- XXVI– MÁQUINA DO TEMPO

Aí estás, á beira do meu tocadiscos, aparecendo como prometiches que nunca ías aparecer na néboa da tarde. Moito cambiamos nestes últimos anos. Perdiches o rubio do teu cabelo. Eu son menos ansioso. Sabías que cando a agulla rastrexa a superficie do disco recrea o mesmo aire de cando a canción foi gravada? A nosa propia máquina do tempo.

Tocadiscos

III Quintal literario- XXV– A BELEZA DA MORTE

Do campo brotaban estrelas que enchían dunha cor amarelenta os restos loitadores contra o inverno. El mantíñase deitado no chan, observando a maxia do ceo na súa metamorfose en bolboreta. E sorriu, con rosas vermellas saíndo do seu corpo e un sentimento de ledicia invadíndoo, cos cantos duns uniformes bailaríns mostrándolle o seu camiño mentres pasaban por riba del.

Salaio nómade

III Quintal literario- XXIV– CONTOS

Serei coma o Principito, coma Harry Potter ou coma as fantasiosas lendas do Cid. A literatura é bonita, pero é cando o libro termina cando recordamos que non é real e hai que volver ó noso mundo. Eu tardei moito en volver, e xa é tarde. Agora eu son o conto. Agora toca firmar e pechalo.

Racber

III Quintal literario- XXIII – SANGUE NEGRO

Estaba farto. A xente morría inxustamente nun réxime opresor. Ninguén se atrevía a rebelarse, pero alguén tiña que facelo. Eu fixen a munición e un amigo cedeume a súa arma, a única que daría a paz e a liberdade, que derramaría o sangue máis negra que existe. Sen temor, dispúxenme a utilizala. Acendín a imprenta.

Racber

WordPress Themes