II Quintal literario -XXX- Fairytale

A vida de princesa está sobrevalorada… tantos sacrificios feitos e non recibín máis que mentiras . Mordín a mazá envelenada,esperei na torre,sacrifiquei o meu zapato de cristal e ata cambiei a miña voz por un par de pernas… e nin así. Mr. Azul tardou tanto en vir a bicarme que quedei durmida.Estou farta de contos. Marcho de Disney.

Arsonist’s lullabye

Micros abertos

Se pensas que aínda non amosaches o talento que levas dentro, agora tes a oportunidade de facelo na actividade de Micros Abertos que organiza a Asociación Trabalingua no Café de Catro a catro. O acto vai dirixido a tódolos alumnos da universidade, profesores e a calquera cidadá(n) de Vigo que desexe recitar poemas (propios ou alleos), ler algún texto, representar unha pequena obra teatral, cantar, tocar ou calquera outra cousa coa que desexes sorprendernos empregando como linguas preferentes o galego ou o portugués. Ademais podes colaborar na organización deste encontro para que sexa todo un éxito! Busca o grupo Recital Micros Abertos no De catro a catro no Facebook.
 

 

·

II Quintal literario -XXIX- A carreira de Ela

A Ela esvaráballe una bágoa pola súa fazula como o facía a asa do apertador polo seu brazo. Esa mesma man que acariñaba os corpos con curiosidade de alumna estaba espíndose e debuxando círculos nun corpo descoñecido.

Son trinta euros­ dixo amoucada cando rematou.

A Ela doíalle o corazón pero pronto sería unha cardióloga excepcional.

Arik Salvay

II Quintal literario -XXVIII- Querido Benoit

Querido Benoit:

O meu 27 aniversario; estaba eufórica, xa que conseguira todo o que quería: amigos, una casa e traballo. Pero durou pouco. Un son agudo na cabeza, e no peito unha dor imperceptible.Quizais foi el; o que tanto cariño me collera; e eu, a puta mulata, acababa de ser asasinada como outras moitas mulleres, a mans dese homofobo fillo de puta.

 Bohemian.

II Quintal literario -XXVII- Despiste

-Canto vento fai, isto non me ule ben.

-Puuuf, mira o ceo, o negro que está.

-Ten pinta de caer un chaparrón.

-Como non nos quiten de aquí… imos apañados.

Jamilet levantouse do sofá e despois de mirar para a ventá, foi correndo hacia o tendedeiro para recolle-la roupa. Xa era demasiado tarde.

Liz

II Quintal literario -XXVI- Renacer

Coa consciencia de quen comeza a nacer, as lúas tornáronse infindas e o pracer das túas palabras servíronlle de alento na súa aventura máis importante, a de renacer dunhas cinsas que agostaban o ímpeto de calquera ser. Así, as noites transcorreron co seu cálido devagar, amosando un cariz que reflectía que a esencia do sol continuaba viva no meu interior.

Chuchi

II Quintal literario -XXV- Quimera

O grandor dos teus ollos amosoulle que a certeza polo futuro era algo exiguo, que só era importante o presente, aquel que tiña a vitoria revestida de nome de muller. Eternos foron os intres nos que anhelabas que houbese algo que revivise o exánime do seu interior. E apareceu a primeira letra desta quimera que teima en vivir en ti.

Chuchi

II Quintal literario -XXIV- Estou viva

Despois de estar tres meses sen ver a súa familia, volveu á súa casa. Mirouse no espello e sentíuse orgullosa dela mesma. As súas costelas estaban ocultas e as súas clavículas xa non sobresaían. Xa pasara. Estaba viva, superara a enfermidade, gañáralle a batalla aos seus demos e a guerra aos espellos. Para ela xa non existían os estereotipos.

Ina

II Quintal literario -XXIII- Misterio

A noite cubriu as túas pálpebras. Miles de anos que pasaron en micro segundos. O ceo caeu sobre as nosas testas e deixamos de poder adiviñar o futuro. Quizais ti o pasaras mal, quizais eu o pasara demasiado ben. Quen sabe, quizais foi a miña culpa, ou quizais simplemente pechei os ollos e deixeiche facer.

Dune.

II Quintal literario -XXII- Anguria

– Ábreme Anxo!

– Anxo!! Abre!

– Me cajo no máis grande, Anxoooo…!

O avión baixaba con máis velocidade a cada instante. Chegaba o fin. Ía morrer sendo eu o piloto e sen poder facer nada. Puto Anxo.

Espertei.

– Papá! Abre a porta que non chego á escola.

Quedara durmido sentado no váter.

Cebola

WordPress Themes