Comeza o II Concurso Literario

Un ano máis, Trabalingua convoca o presente Concurso Literario coa finalidade de dar a coñecer os novos talentos galegos no eido da literatura.

O éxito de participación no primeiro concurso e a calidade dos textos que se presentaron animáronnos a organizar outra vez máis un concurso literario co que pretendemos:
-Estimular ás mozas e mozos galegos para que escriban textos literarios en galego.
-Dar a coñecer estes novos escritores.
-Que os lectores do noso blogue desfruten cos relatos e poemas que outros mozos escribiron.

Hai dúas categorías: unha de poesía e outra de relatos curtos. Cada unha delas ten un premio en metálico de 50 € (fronte ao único premio de 50 € que houbo o ano pasado). Non existe límite de textos por participante e os textos non poderán superar as tres páxinas. Todos os poemas e relatos recibidos iranse publicando no blogue trabalingua.blogaliza.org xunto co pseudónimo do autor.

As bases completas pódense ler en trabalingua.blogaliza.org/concurso/

Anímate e participa!

Other Links to this Post

  1. ENLG da Guarda » Blog Archive » II Concurso literario da asociación Trabalingua — 16 Febreiro 2011 @ 9:30 p.m.

WordPress Themes