Profecía cumprida

ESPERTA DO TEU SONO…

“O Fogar de Breogán está espertando do seu longo soño”

“O Fogar de Breogán está espertando pra non durmir máis”

“O Fogar de Breogán levaba tempo adormecido, co corazón xeado. Quedaba pampo ante aqueles que aproveitando a friaxe do seu corazón lle querían roubar o seu máis prezado tesouro: a lingua, cerne e base da súa identidade”

“Mais o sol da primavera derreteu a escarcha que levabamos no corazón. Nunha desas mil primaveras auguradas por Cunqueiro, na do 2009, a calor da razón e do amor ao propio (lingua, cultura,  xente, terra) cumpriu a súa función: acabar coa indiferenza e dar comenzo á loita por defender o noso”

“Nesta primavera do 2009 algo está pasando na Galiza. A crise,  a aparición de grupos reaccionarios en contra do galego, as intencións do PP reentrante na Xunta respecto a lingua… Todo isto e moito máis callou na xente, en min, en NÓS.”

“Callou en NÓS, e xa hai un NÓS potente na Universidade de Vigo para defender o galego (que non atacar o castelán nin os castelanfalantes).”

“Xa hai un NÓS na Uvigo, un NÓS sen nome (por agora), un NÓS que é noso, daqueles que nos preocupa a situación na que se atopa o idioma propio de Galiza. “

“Xa hai un NÓS, do que ti podes formar parte. O contexto histórico non permite pasividade. Se o corazón che pide NÓS, non o penses máis.”

“Fales o que fales,

teñas as ideoloxías, crenzas que teñas,

pertenzas ou non a calquera asociación ou grupo/partido político.

O GALEGO precisa de ti,

GALICIA precisa de ti,

NÓS necesitámoste”

“Manda un  correo a asociaciontrabalingua@gmail.com

e únete a NÓS para defender o que é teu, meu, noso,

O GALEGO,

A LINGUA DE ROSALÍA, CURROS E PONDAL”

———————————————————————

A profecía cumpriuse: ese NÓS é unha realidade.

Ese NÓS é Trabalingua.


  • By Ramón, 18 Novembro 2009 @ 7:27 p.m.

    Moita sorte na vosa andaina.

  • By Tato, 18 Novembro 2009 @ 9:44 p.m.

    Moitas gracias Ramón, cando as cousas obedecen a unha gran necesidade aínda que coste arrancar despois xa van soas.
    (Se queres tamén pode ser a túa andaina, jeje)

Other Links to this Post

WordPress Themes